Transcription
1
Reçue à Grenoble, le 21 mars 1573.
2
Monsegnieur, les consulz de cette ville hont prins occasion envoier exprès
3
par devers vous sur le commandement que je leur ay faict de me secourir
4
promptement de partie des denrées à quoy monte leur cocte par le departement
5
qui en a esté faict pretendans droict dexemption soubz votre authorité en quoy
6
oultre loverture que ce seroit aux villes de Crest et de Montelymar, lesquelles
7sattendroient à mesmes privilièges. Ilz nont volu considerer que [barré : si leur ]
8
le fonds des magazins sera grandement diminué et affoibli, lequel, par
9
leur advis et deliberation en ma presence, feust estimé necessère pour la
10
moindre charge que vous peult arriver sur les bras. Monsegnieur, les
11
troys villes font le nombre de cent et deux feuz ou environ, desquelz ilz
12
desirent fère cesser toute contribution; suyvant voz comandemens pour
13soulager les lieux plus foulés qui sont en grand nombre, mesmes [barré : en leur ] les
14
contribuables à la garnison de la compagnie de monsieur de Suze,
15
javoys estendu la fourniture par les Baronies pour en avoir le moyen
16
de retenir les magazins bien pourveus et fonciers en favorisant les povres
17
au desceu des aultres leurs voysins, de quoy, monsegnieur, je vous au volu
18
advertir pour, surce et aultres plaisirs votres, recepvoir voz commandemens, lesquelz
19
me seront règle certeine et infallible, L’occasion que ma meu de retenir
20
la coctisation que jay faicte dans les ressortz des troys villes susdictes
21
Dyois et Baronnies a esté pour les sentir plus subiectz à remuement et
22
que le surplus de votre gouvernement ne peult fallir de vous estre recours
23
asseuré pour la fourniture de toutes denrées; je nai voulu containdre
24
encor les villages à fournir leur cocte entière et tasche de les soulager
25
de tout mon pouvoir. Surce,
26
monsegnieur, je prie Dieu vous donner en toute sancté et prosperité
27
longue vie et acomplissement de voz desirs. De Valance, ce XXe
28
mars 1573
29
Votre très humble et très obeissant serviteur
30
à jamais
31
de Buffevant
32
Monsegnieur, ce que je demndois à cette ville estoit pour envoier
33
à Loriol et garder que les troupes y estans ne patissent, estant
34
de ce solicité par monsieur de Rousset, attendant dheure à
35
aultre la partie de la cocte des contribuables ausquelz javoys
36
envoié pour cest effect et si promectons les rembourcer avenant
37
que vous leissiés agreable ; je vous envoye le double
38
de lestat de votre compagnie pour vous fère veoir celuy des
39
chevaux legers reduict aux archers de votre dicte compagnie